بها عزة تجنني

توادعني واوادعها ولا ادري من بكى الثاني
ولا ادري هي بكت مني او اني كنت انا ابكيها


تعذبني.. تغربلني وفالاخر انا الجاني
حياتي. عزتي. نفسي وقلبي كنت معطيها


غريبه ماني مصدق بعد هذا تناساني
غريبه قصتي معها من اولها التاليها


تفاخر بالنسب واتقول ترى ال فلان جداني
بها عزه تجنني وانا وان عشت بانهيها


لانه طبعي من اول احب اللي ايتحداني
اثور لثورته واصفح الامن صرت واليها


احب اتسير في طوعي ولاارضى يوم تعصاني
واحب يكون في يدي ازعلها واراضيها


شروطي واضحه صعبه تهون لشخص يهواني
تهون لعين من ضحت بها الدنيا ومافيها


ابوها امها هلها تعاندهم على شاني
تقول اموت من شانك انا وشلون اجازيها


مادامي بعينها وحدي ولاتبغى معي ثاني
امانه لوبغت عيني انا والله لااعطيها